domingo, 17 de junio de 2012

Sabías que....


SABÍAS QUE ...
HABÍA UNHA VEZ un colexio cheo de nenose nenas e cheo de medos como todos os colexios do mundo.
Nel había un neno que se chamaba Iván e que tiña un medo moi raro, que probocaba risa nos demais;
IVÁN contoulle á súa mestra e aos seus compañeiros e compañeiras que o peor monstro de todos era o “comeletras”, un monstro que vivía na biblioteca porque  andaba á procura de letras porque quería facer con elas un nome para el.

Iván debuxou o monstro e, deseguido,  o monstro comezou a comer nas letras.
A primeira que papou foi o “a”, e todos os nomes que levaban a letra a quedaron pequenos e raros. despois papou o “r” e, deseguido, o “l”… canto máis comía o monstro, máis rían os nenos e nenas porque xa non se podían nin chamar.

Agora que as letras estaban na barriga do monstro, tiñan que facer algo para sacalas de alí.
-xa está!, dixo LUCÍA, contarémoslle un conto, iso sempre funciona!
E comezaron a lle contar contos.

Pouco a pouco o monstro ía devolvendo as letras.  Cando remataban un conto e o monstro lles pedía outro, eles dicíanlle que só llo contaban a cambio da letra que máis precisasen.
Entre contos e letras fixéronse amigos e, sen decatarse, todos comezaron a chamarlle “mon” , “mon o comeletras” . O monstro xa tiña nome!!!

No hay comentarios:

Publicar un comentario